La famille

Salut! : )

S'läbe in Belgie, isch echt super. (:
es gfallt mer echt da. im moment isch mega viel los, es wärdet mega viel fäscht gfirät und mir händ mega viel bsuech, z'wüsched durre, simmer go s'dörfli aluege und go poschte, go min zuekünftige Fuessballclub bsueche, mir händ bache, viel gässe und sind in Pool go bade. (:
und denn hani plötzlich wieder zit für mich, für min Blogg, für Facebook, e-mails schribe, läse und chli französisch lerne. D'ferie gönd jetzt no recht land, ich hoffe es wird mer nöd langwielig, aber d'familie git sich würkli sehr viel müeh. Momentan sind grad all chli trurig, will  morn morge gaht di jüngscht gaschtschwöschter nach amerika für es jahr. Hüt han ich ihre au no bim packe ghulfe und sie hät genau di gliche problem wie ich; nämlich s'gwichtlimit iz'halte. I nächschter zit wird ich denn mal mini Schuel go bsueche und mal nach Namur gha go min gastbrüeder und sini fründin z'bsueche. à props han ich es interview müesse gä, es isch schnell gange, aber doch recht schwär gsi für mich. also wenn das d'belgier im Radio ghöred müneds hundertprozäntig lache, aber egaal. ich hoffe ihr läset all flissig min blogg et à bientôt! 

    

       di ganz familie verreint. : D

ENFIN EN BELGIQUE!

Bonjour tout le monde!

hei nei es isch unglaublich, nach so viel warte bin ich jetzt endlich und wahrhaftig da! ich chan immer nonig würklich glaube dass ich jetzt da in belgie bin!
nacheme interessante und luschtige weekend in Brüssel, wo mir viel neui Lüt känneglärnt händ, bin ich am samschtig namittag am 5i vo mine Gasteltere und vo minere gastschwöschter abgholt wordä. de moment isch unglaublich gsi. Mir händ mega lang müesse verusse warte und denn plötzlich hä's gheisse so und jetzt inne und denn sind deetä all gastfamilie gstande mit so schilder ide hand und du häsch umegluegt und s'schild mit dim name druf gsuecht. und wo's denn gseh häsch.. das chasch nöd beschribe. (:

nachere stund heifahre simmer denn achu im chline dörfli Moustier-sur-sambre. Also s'huus und de garte isch unglaublich schön. Ich han mega e schöns zimmer und de garte isch riisig, es hät mega viel tier. Frösch, vögel, Hühner, en Haas, en Hund, chatze und en Papagei. Also de Papagei isch echt goldig. Er redet immer und seit sache wie: qu'est-ce que tu fais mon copain? und er macht all grüsch im hus nah und wenn lut musig lauft, denn tanzt er. (=
D'familie isch meeega nett. de elter Brüder und di elter schwöschter sind zwar fasch nie dihei [nur bi mim empfang] aber di jüngere 2 sind momentan beid da. Sie lachet viel und mached witz, es isch e ufgstellti familie und es lauft immer öppis, worüber ich au froh, will am und zue vermiss ich d'lüt us de schwiz no chli. Es folgend jetzt no es paar bilder vo mim neue dihei. Aber ich chan jetzt eh nöd alles schriebe was ich scho erläbt han, das wär viel z'viel. Fortsetzung folgt ein ander mal. :)

à bientôt!

                                          De Idruck vo Belgie

                                          Sunneuntergang vo mim Zimmerfänschter us

                                          Ich, Inès, Valentine und Michel im Tierpark

                                                       Ich am Elefante füetter

                                             
                                          Ich am Kaffi trinke dans le salle à manger

                                          Mis neue Dihei vo vorne

                                           De Garte vo mim Fänschter us

                                          De Schwizer-Egge : )

Morn bini wäg

à très très bientôt!