d'schuel hät wieder agfange, de alltag isch wieder ikehrt, und es hät immer no kei schnee.
allerdings hämmer anderi problem als das. Ide Schuel gaht nämlich e chrankheit ume wo uumega asteckend isch und es schtaht i allne zitig und am radio und wenn'd lüüt ide stadt wüssed, dass du a die schuel gasch, machets en boge um dich ume. d'schüler warted im allgemeine eifach druf bis d'schuel schlüsst, aber viellicht wär dass au nöd so luschtig, will mir dänn müessted im summer alles nachhole.
ide zwüschezit wännds bi eus ide schuel en film dreihe und es hät au scho es casting ghä, was ganz cool isch. aber d'schuel isch au perfäkt für en film, sie isch eifach superschön.
wie ihr gsehnd erscht ei wuche schuel und scho wieder so viel passiert.
mini wiehnachtsferie sind au meeega guet gsi. d'Fäschttäg mit mine familie eifach suuuper und ich bin no nie a so viel wiehnachtsmärt gsi.
nouvel an han binere kollegin und mit ihrere Familie gfiret und nachher bini no für 3 täg mit 3 fründinne nach paris gange. 3 super täg, aber ebä nur 3 und für paris isch das würkli nöd viel.
und susch d'täg sind immer no churz, d'familie immer no super, d'schuel momentan überhaupt nöd schträng (eigentlich isch sie aber nie sträng) aber immer super! mitem französisch gahts au immer immer ufwärts, ich ghöre jetzt öfters, dass mer mängisch nöd merki, dass ich nöd französisch als muettersprach redä. (YES)
..
et eh voilà!
à bientôt! : )
