Bonjour Belgique: Februar 2012

Nach dere Zit wonich jetzt scho in Belgie bin, hani doch s'gfühl ich müessti mal chli öppis über de scout schriebe.

Ja ich weiss, dass viel über Pfadi und so gseit wird und ja ich gibes zue, au ich han gfundä, dass das öppis für lüt isch wo irgendwie hindedri sind, kein PC dihei und kei kollege ide schuel händ...

aber FALSCH!

Scout isch eine vo de beschte Organisatione für jugendlichi wonich känne und ich bin würkli sehr dankbar, chönne für es jahr teil devo z'si.

All die chinde wo uf eim rise hufe sind und nüt anders im sinn händ als spass am läbe z'ha und jedi sekunde mit ihrne fründe z'gnüsse. Wo bi jedem spiel so motiviert sind und sich (fascht) nie beklagend, will s'esse grusig isch, will's z'chalt händ oder z'müed sind. [aber das chunnt eigentlich fasch nie vor ; ) ]

Sie sind all mega hilfsbereit und will sie i ihrem alter no überhaupt kei sorge händ, chasch mit ihne unglaublichi stunde verbringe ohni dass du merksch wie d'zit vergaht.

aber es isch nöd nur bi de "Louveteaux" so.

die chinde wärded elter und stiged uf zu de nächschte gruppe und schlussendlich chef. die meischte chefs wo ich känne sind scho öppe 15 jahr oder sogar meh im scout tätig! und das ganze isch eifach ei grossi familie wo zämeghört. d'chefs nutze au jedi glägeheit wenn d'chinde scho im bett sind zum zäme fire und bis am morge am 4 wach blibe.. und will d'chinde meischtens scho am morge vorem achti ufstönd und alli chefs gönd go weckä, chunnt mer nöd grad unbedingt viel schlaf über.

jede samschtig gits e "réunion" womer sache macht wie spieli, zäme bache, poschtelauf oder so.

öppe 2 mal im jahr gits en lange Tag, das isch de ganz samschtig, mir sind detä letscht mal im Zoo gsi und denn giz no öppe 3 mal im jahr en "hike", das isch während em ganze wuchened. am fritig abig gahts los und am sunntig isches denn fertig. a jedem "hike" gits es thema a dem da isches "Barbie contre les action-men" gsi. d'meitli verchleidet als barbie und d'buebe als action-men. natürlich siches drum gange welläs gschlecht s'schtärchere isch. (: [und falls eu interessiert, d'meitli händ wie erwarted gwunnä!]

am abig gitz mängmal e nachtüebig oder susch "la boum".

ich glaube es isch eifach es unglaublich's gfühl iner gruppe z'si mit so viel läbensfreudige mänsche und di gröscht motivation für mich sind eifach die chinde, di gäng mir sooo viel!