Des jours belges

Le perroquet

salut mini liebe!

ich bin jetzt scho es paar mal druf agschproche worde, dass isch söll euse Papagei filme. also ich han's probiert, aber ich säge eu, es isch nöd grad eifach. sobald d'kamera aghat ischer plötzlich still.. wie seit mer dem jetzt nomal.. ah ja.. lampefieber. uf jedä fall. hät er sich bim erschteme ganz unufällig usem bild gschliche:

Bim zweitem mal hanis gschafft das er zu eim vo mine lieder echli tanzt hät, aber es haltet sich also in gränze:

Bim dritte versuech hät der denn eis wort usebracht und zwar sin eigede name: Bobby. ( :

mais si jamais tu veux regarder un bobby qui parler vraiment, tu peux le chercher sur le facebook profil de ma mère d'accueil. Elle a fait un très bon film de bobby dans lequel il chanter, il danse et il parle. : D
amuse toi bien! 

à  bientôt!

week-end avec le scout

Bonjour mini liebe lüt det äne am bergli.

Bi eus da schint d'sunne, es macht recht heiss und ich han de ganz tag schuelfrei. ( :
ich bin aber au sehr froh drüber, will ich han es langs, aschtrengends und super wuchenend hinder mir. ich bin nämlich mit em scout mit minere gastschwöschter mit gange und die händ so es camp gah. [ah ja bevor ich's vergiss; scout isch pfadi.] und sie isch leiterin, so bin ich au go leite gange mit alles chlinere chinde. aber die chinde sind esooo härzig gsi. die sind a mir ghanget wie nur öppis und händ de ganz tag mit mir gredet. Au wenni nöd immer alles verschtande han händ's mich doch als leiterin und als autoritätsperson respektiert. es hät sehr guet ta mal wieder chönne z'redä ohni, dass eim grad all alueget und geduldig wartet bis mer de richtig satz hänebracht hät. eifach wie's ganz natürlich wär, dass ich so en komsiche aktzent han und immer wieder nach wörter muess sueche. Und wenni öppis nöd verschtande han, hänt's mers erchlärt, bisi drusscho bin und nöd eifach s'handtuech gworfe.
d'leiter sind all viel elter gsi als ich, aber all mega nett und ich bin au detä guet akzeptiert worde, trotz mini fehlende sprachkänntnis. alles i allem isches würkli es unglaublich guet's wuchenend gsi mit viel spannende erfahrige. aber ich bin schlussendlich völlig fertig gsi, will ich nöd grad viel gschalfe han und d'chind sind au ziemlich asträngend mit de zit.

anyway; s'thema vom wuchenend isch 'les schtroumpfs' gsi und en schtroumpf isch genau s'gliche wie en schlumpf ide schwiz. ich mit mine blonde haare han natürlich müesse d'schtroumpfette spilä. und ehrlich ich weiss nöd was das uf dütsch isch, aber ich tipp mal uf schlümpfin. d'schlümpfin isch sehr beliebt und all liebet sie, ich bin jez bi allne chinde allgemein als schtroumpfette bekannt. mir händ spieli gmacht, zäme gässe, zäme gsunge, zäme glachet und es isch würkli schön gsi. am abig bin ich denn no entfüehrt worde vom schtroumpf méchant und d'chinde händ mich müesse go rettä. und alles isch immer schlumpfig gsi, s'ässe isch schlumpfig gsi s'wätter, mer isch am schluss schlumpfig müed gsi und so witer..es folgen bilder von den schlümpfen, einer zufriedenen pfaderin mit lustigem akzent und den vielen kindern. ; )

Ich und die Kinder

 chanter.. lalala : )

Les schtroumpfs

Ich bin die schtroumpfette und habe schöne haare : P

 les chefs 

ganz rechts mini gastschwöschter und ich näbet dra.

d'louise wo mir grad en hüüratsatrag gmacht hät.. und mir en ring übergä hät.

Die schtroupfette und die kinder. : D

à bientôt et une semaine schtroumpes .. : ) 

1 MOIS

Sit mim letschte Bolggitrag isch zwar nöd grad würkli viel zit vergange, aber irgendwie hani trotzdem s'gfühl, ich muess hüt no öppis schribe. und zwar bini hüt genau en Monet in Belgie. und wahrschindlich isch das völlig normal, aber für mich doch überraschend das d'zit esooo schnell verbi gange isch. und no viel krässer isch, das ich i nur eim monet so viel erläbt und so viel neui lüt kenneglernt han. ihr sind wahrschinlich nöd würkli überrascht, dass isch das schribe, aber für mich isches echt überwältigend. vorallem wenn ich dra denke, dass für es paar vo mine kollegine jetzt scho en drittel vo ihrere zit in belgie verbi isch.. Für mich isches zwar erscht en 10tel [ ;) ] aber trotzdem, ich wär jez unglaublich trurig, wenn ich wüsst, dass ich i zwei mönet scho wieder hei müesst.
ich denke ein monet, isch so e zit, wo mer viellicht nonig richitg zu me belgier worde isch, aber jetzt weiss ich bi ziemlich allem wie's lauft. ich weiss wenn ich am morge muess ufstah, ich weiss de wäg id schuel, ich weiss a wellä tisch ich ide mittagspause muess sitze, dass ich nachher mini kollege triffä, und es git scho es paar lüt, womer würkli as herz gwachse sind (!). ich weiss wo mini schuelzimmer sind, ich weiss was ich i  mis journal de classe muess schriebe, ich weiss welli lehrer nett sind und welli blöd, ich weiss wo ich muess ufpass, wo ich viel muess lerne, wo garnüt. ich weiss das de diego und de julien nach de schuel immer uf mich wartet und ich weiss uf welläm parkplatz mir abgholt wärdet, ich weiss dass nach de schuel immer stau isch und ich weiss das wenn ich heichum es feins gouter [z'vieri] uf mich wartet. ich weiss wie mer d'händ muess richtig positioniere zum klavierspilä, ich weiss dä wäg vom bahnhof zu mim hus, ich weiss wie mer billet löst und ich weiss wo sich d'sache i de chuchi befinded. ich weiss das ich dihei immer hilf für d'schuel überchume wenn ich bruche und ich weiss, dass de noah, de hund, mich immer freudig erwartet und ich weiss, dass wenn am morge de himmel grau isch, s'schön wird und das kei wulche sind. ich weiss sehr viel.
und es git so chlini sache wo langsam zum dihei werdet, wie s'belgische radio, wo eigentlich immer lauft, s'quitsche vo de WC-tür, und de gruch vom wöschmittel.

also jetzt hani viel gschriebe ohni witere sinn; also eigentlich hani wellä säge, es gaht mer guet und ich bin z'friede nach em erschte monet, und es tuet mer leid wenn ich mich nöd allzuviel mälde, will es isch meischtens recht viel los, und ich redä nonig so guet französisch, aber es isch mer jez doch meh oder weniger schwär gfalle, de text z'schribä. im übrige will ich eu eifach no säge: GNÜSSED JEDÄ MOMENT.  LÄBED I JEDEM MOMENT. D'ZIT GAHT VIEL Z'SCHNELL VERBI!

 Journal de classe [so gseht mini schuelwuche us]

 Belgier händ würkli würkli viieeel ferie. alles was so grau isch, heisst congé!! : D

Séminaire de Floreffe

 Journal de classe uf de rücksite ; )

 Ich nacheme Monet Belgie

 beschti und luschtigschti chatz [die chasch sogar ade bei uflupfe und sie hät's gärn..

Morge am 8i ufem wäg id schuel. : ) [handyqualität]

à bientôt!

Fête de Wallonie

Dunnschtig, Fritig, Samschtig, sunntig und mäntig isch da s'fäscht vo de wallonie in Namur gsi. 

unglaublich viel lüt, unglaublich viel bier, unglaublich gueti Musig und zum schluss viel räge. De Höhepunkt vom geschtrige Abig isch s'konzert vom Aaron gsi. Aaron isch e französischi band wo ich vorher scho kännt han, aber ide schwiz sind's mega unbekannt und ich han nöd mal gwüsst wie ich zunere CD vo ihne söll cho. Bekannt worde sind's eigentlich dur d'filmmusig vom film "keine sorge, mir geht's gut" (en sehr empfelenswärte film). Es isch eifach unglaublich gsi, ihn jetzt life uf de Bühni z'gsee und all sini lieder chönne mitz'singä. Nacheme unvergässlich abig bin völlig durchnässt, spat am abig und guet glunt heicho. 

AaRON! (L)

Katharina et moi mit luschtige chappe.

Fête de Wallonie

Lilly - Aaron

                                                                          

Je vous souhaite une bonne semaine et à bientôt!

Liberté

trois semaines

coucou!

scho 3 wuche in belgie, wie schnäll die zit doch vergaht. Irgendwie sind die drü wuche mega schnell vergange, aber anderersits, wenn ich überlege was alles scho passiert isch da, chunnts mer viel länger vor. es isch so wit ewäg, sit ich is flugzüg gschtige bin und es chunnt mer so wit ewäg vor sit ich d'schwiz s'letscht mal gseh han. aber irgendwie isch mer immernonig bewusst, dass ich es ganzes jahr wäg bin, ich han immer no s'gfühl ich chönnt morn morge eifach i mim bett ide schwiz ufwache und merke, dass all's nur en traum gsi isch. 

Under anderem hani jetzt au scho ei wuche schuel hinter mir. D'schuel isch super, es gfallt mer würkli risig und ich freu mich immer am morge zum ga. eifach isches allerdings nöd immer. Ich han en rächt spezielle stundeplan, will ich inere latinisch-griechisch-flämisch klass bin, aber keini vo dene drü sprache han. Anstatt flämisch hani immer französisch und das i drü verschiedene klasse. d'französisch schtunde sind echt schwär und ich han im ganze jetzt sage und schreibe 9 stunde französisch ide wuche. Mini hauptklass isch 4a, mängisch bini aber au im 4b, oder g. uf e art isch das echli blöd, aber uf di ander art au super, will ich känn jetzt scho mega viel us em quatrième und han überall chli öppert wo mer chan hälfe. d'lüt sind mega nett und fründlich zu mir und ich bin nie ellei, will ich scho mega viel lüt känne. irgendwo isch immer öppert wo dich gseht und seit: sophie, wo muesch hii, ich chan's der zeige. sophie was suechsch, ad das isch detä, chasch grad mit mir mitcho und das isch sehr beruhigend. anderesits bisch au die, wo halt kei franzöisch redät und darum recht muesch drum kämpfe au mal s'wort z'ha. 

die erscht wuche isch mega schtreng gsi, ich bin jedä abig hundemüde gsi. niemert vo de lehrer hät gwüsst wär oder was ich bin, jedes mal hani zerscht müesse go erchläre und so witer. aber nachher sind di meischte lehrer mega nett gsi zu mir und d'gschichtslehrerin seit immer "ah ma petite suisses", ich finde si super, was en guete usglich isch zu ihrem unterricht, de isch schrecklich für mich. die redät so schnäll wie de TGV und genau so schnell chumi nüme druss. Aber ich gib mer würkli unglaublich müeh irgendwie am unterricht z'folge, ich bin di ganz zit  nur am nahschaffe, aber das chunnt mit de zit sicherlich denn. (hüt han ich sogar s'erscht mal öppis in mathe verschtande und ich bin überglücklich gsi) 

De einzig cours woni überhaupt kei problem han isch englisch. Das macht richtig spass, will detä bin ich di einzig wo öppis verschtaht. die händ da zwar all scho länger als ich, aber hüt hämmer grad en tescht über present simple gah. all wänn'd näbet mir hocke zum abschriebe und de lehrer fragt immer mich bi de usprach vo de wörter, will d'belgier händ's mit ihrem fränzösische akzent echt nöd eifach. ich muess mer öppe s'lache verkneife. ; ) 

                                so macht schuel spass. ; )

donc, bon week-end et à bientôt! 

2 semaines et 1 jour d'école après

.. und sie isch wieder da, nach 2 wuche ferie und eim tag schuel!

Bevor ich vo mim erschte schueltag verzell, hani no es paar bilder wo die letscht Feriewuche chli beschribed. 

Namur, di nächscht stadt 

                 
                              à Liège
  

                              Au à Liège avec Katharina et Daniel

                                      à Bruxelles

                                 De Garte isch eifach z'schön!

                                  Ma Maison

           Und da wett öppert no behaupte Belgie seg nöd schön (!)

Alors, ide letschte Feriewuche bin viel mitem Zug greist, es isch recht eifach und macht spass, und han mich mit anderne Ustuschschüeler i verschieden Städt troffe. Susch bini mit minere Familie id Stadt go pöschtele, im pool chli go bade, mich für Klavierstunde agmulde, mit minere gastmuetter go tschogge und scho zweimal im Fuesballtraining gsi. Es isch zwar nöd so streng wie ide Schwiz und mer nimmts au nöd ganz eso erst, aber es macht spass und d'meitli sind mega lieb. Und au de trainer isch unglaublich nett. Ich han zweimal die woche training und wenn's denn irgendwenn mal klappt mit dem transfer, au eimal di woche match. sie händ zwar scho wellä das ich dä sunntig an match chume, aber das gaht ja nonig.
à propos, simmer ide schuel gsi, bide Direktorin und händ mich agmulde. s'schuelhus isch risig und wunderschön, aber genau so verwirrend und kompliziert. es isch eifach wie e burg oder es schloss mit ganz viel torböge und so. Die direktorin isch echli zerschtreut, will nachdem mir scho bim amälde für es 10minütigs gschpräch meh als e halbschtund händ müesse warte, isch sie au hüt morge nöd uftaucht zum mir min schtundeplan z'gä. so bin ich jetzt hüt halt mit de Juliette mitgange, ( es meitli woni vorher scho känneglärnt han und mega lieb isch). Ihri Kollegine sind au all mega nett, und händ freud gah e Suisses ide schuel z'ha. De unterricht isch recht hert, ich meine ich verschtah ja fasch nüt und d'lehrer redet schnäll und kümmeret sich nödeso drum öb jetzt da e ustuschschüelerin isch, wenn sie's überhaupt wüssed. Am Afang vode stund muess mer immer näbet de stuehl stah und warte bis de lehrer seit, 'asseyez vous' und denn chasch hihocke und ich han's doch de ganz tag vergässe und di andere schüeler händ mer immer müesse rüefe, Sophie, ufstah!! haha, aber a das wird ich mich scho gwöhne. 

also es isch en lange tag gsi und ich bin unglaublich müed heicho..

ihr wärdet sicherlich bald wieder vo mir ghöre.

Bon week-end et à bientôt!