Oh grand Saint Nicolas, patron des écoliers..

Ô grand Saint Nicolas,
Patron des écoliers
Apporte-moi des jouets
Dans mon petit panier.
Je serai toujours sage

Comme un petit mouton.

J'apprendrai mes leçons

Pour avoir des bonbons.

Venez, venez, Saint Nicolas,
Venez, venez, Saint Nicolas,
Venez, venez, Saint Nicolas, et tra la la...

und jaaa, ich chan's au singe. ich han mega güebt, aber ich muesses chönne susch chunnt de samichlaus schliesslich nöd und tuet mer schoggi id finke ide nacht und bringt mer gschänkli am 6. Dezämber. 

Au wenn's dusse vo tag zu tag chelter wird, hämmer kei schnee, d'baum sind no oft volle bletter und d'wise sind grüen. d'sunne schint oft wie im summer. 

zum trotzdem chli adventsstimmig mache sind ich und mini gastmuetter dra, en adventskalendr z'bastle. Ja mir bastle eine, will mer da i keim einzige lade en adentskalender findet. es git öppe 10 samichläus ufem hufe, aber kein einzige adventskaländer, die meischte wüssed garnöd was das isch. 

ide schuel dreht sich jez fascht alles um d'examens. d'lehrer säged eus was mir müend lärne und d'schüler beschwäred sich drüber. d'prüefige wo mer schribed zellet jez für's bulltin. für mich gaht alles viel z'schnell. nur no e knappi wuche und denn isch schuel verbi für das jahr. also zumindest normal schuel. 

a de wuchenend bini immer voll usplant, ich mache fasch immer mit kollegine ab, oder den bini im scout oder in namur. und zwüsched dure spieli no klavier, was mir sehr viel freud bereited.

und irgendwie isches komisch, will jez ganz viel schwizerine belgie verlönd, will scho 3mönet um sind. 3 mönet isch für mich immer so mis erschte ziel gsi und jez hani das scho erreicht und ich bin vollends z'friede mit dem wo mich da im ziel erwartet hät. 

ich fange scho a uf franzöisch dänke und letschti isch mer ufgfalle, das ich uf franzöisch zehlt han. es isch unglaublich schwär zum sich vorstelle, das ich mal französisch NÖD verstande han. es isch unvorstellbar. 

eh bien, les images suivantes montrent un peu mes moments du bonheur. : )

Das bild lieb ich eifach (am erschte Tag in belgie)

Katharina et moi

 MES AMIS : )

Ein Tag mit Gastbruder und Freundin. (!)

Le scout! : )

une "happy family"

Euse super adventskalender! (mitem grosi)

hät da öppert dütsch glärnt ; ) (danke mama)

Ich und das Klavier; was für ein harmonisches bild! : )

UND ich gehe in die familiengeschichte ein : )

das wärs wieder emal..

J'éspère que vous avez un beau calendrier de l'avent et à bientôt!  

les frites, quoi?!

eigentlich giz da dezue nöd so viel z'säge..

de ablick halt, wenni am mittwuch mittag hungrig heichume. :)

La beauté matinale

wo bin ich den da glandet?! 

säg jez nöd paradis, das han ich scho wellä säge!

für mich zum fotografiere isches würkli DAS paradis. 

jedä morge de näbel über de fälder und denn d'sunne wo chunnt, drischint und alles verzauberet. 

de winter chunnt-

hüt isch moins trois degrées gsi.

no knapp 3 wuche und denn fanged d'prüefige a

nachher hämmer ferie und denn hani geburtstag. 

ich liebe d'schuel und ich liebe d'lüt da z'belgie,

ich liebe mis neue läbe,

aber ich liebe au, dass ich no es anders han, 

woni derf vermisse.

ich liebe s'belgische radio und de radiosprächer wo jedä morge seit: Bonjour sophie.

ich liebe de Papagei wo ununterbroche vor sich hiplapperet, ich liebe d'frites, ich liebe de hund wo uf mine bei lit, während ich ufzgi mache, ich liebe mini familie, wo so viel lacht, ich liebe mini kollege wo mir jedä tag neus bibringed, ich liebe d'sprach und liebe s'hus und de garte. ich liebe's chönne ame mittwuch namittag uf namur z'ga go en kaffi trinke und nach de schuel go lädele. ich liebe's am abig müed is bett z'falle und am morge wieder ufz'schtah. 

ich liebe d'sunne uf mim gsicht z'gspüre, ich liebe z'lache, glücklich z'si-

à bientôt et n'oubliez jamais de rire! 

Le pays noir

enfin vacances! : )

hallo! : D

also es git wieder mal viel neus z'brichte und z'verzelle! 

endlich, endlich händ au d'belgier mal ferie brucht. zwar nur ei wuche aber immerhin.. vor de ferie isches no recht schtressig zue und här gange, viel prüefige, aber au viel stundeusfäll, viel lärne und es isch irgendwie de erschte abschnitt vom schueljahr. am letschte tag vor de ferie sind all voll ufgregt gsi will sie ihre bulltin übercho händ.. ich han leider keis üübercho, will die zuschtändig person kei zit gha hät zum's mache..( ich säg ja die schuel ischechli unorganisiert..) trotzdem bin vo allne site und vo allne lehrer sehr viel globt worde und mini klasselehrerin hät gseit, das heg sie no nie erläbt, dass e ustuschschüelerin so guet ide schuel isch. jaja ; )

usserdem hani am sunntig vor de ferie endlich min erschte fuessballmatch gha.. leider hät de nur 30 minutes duret und nachere churze pause hani im spital chönne witerspiele. (ich weiss was ihr jetzt alli dänked; typisch sophie, ich weiss.. )

die witere 60 minutes hani mit warte verbracht und schlussendlich erfahre, dass ich s'schlüsselbei broche han. abgseh vode schmärze isches au en rechte schock gsi allgemein und nöd grad das womer sich imene ustuschjahr wünscht. aber es isch so wes isch und ich gwöhne mich langsam dra, dass ich e stund bruche zum dusche und mit links ässe und mir öppert d'schuebändel bindet.. naja.

Am erschte sunntig ide ferie simmer denn mit de ganze familie go zmittag ässe imene wunderschöne restaurant ufem hügel ( ich säge jez extre nöd berg).  vo det obe hät mer e wunderbari ussicht gha, und jetzt im herbscht isches sowieso wunderschön. nachem zmittag simmer denn no go spaziere, am fluss entlang wo meuse heisst. alles i allem en super tag gsi. : )

Di witere paar täg bin ich binere kollegin und ihrere familie i ihrem feriehus gsi, wo au da in belgie isch wit ussem ufem land womer keis auto ghört. mir händ jedä tag cooli sache gmacht und d'familie isch für mich scho wie zume zweite dihei worde. am letschte tag simmer ime tierpark gsi:

Au das e schöni zit gsi!! 

hüt isch e glücklichi sophie zoberstobe uf de grotte vo moustier obegsässe und hät glachet während de michel mit em hund a de leine und höheangscht es bild gschosse hät-

Bon travail dans l'école et à bientôt!

Le bonheur en noir et blanc