Hüt sind's no genau 2 mönet und 6 täg bis zu dem Datum wo mis läbe sich für es Jahr restlos wird verändere. Vo hüt a sinds no genau 66 Täg bis ich is Flugzüg wird stigä zum endlich mis Abentür im französische Teil vo Belgie z'starte.
Lang hani gwartet, banget und mich nöd chönne entscheide. Wieder vo neuem überleit, umentschiede und wieder ghofft. Jetzt bini ame Punkt acho, wonich s'erscht mal echli witer gsehn, als nur bis zum Flughafe Züri.
Hüt morge bin ich vom Orientations-camp vo Afs Schwiz zruggcho. Und es isch sehr schwär zum beschribe was ich det alles dezuglärnt han, aber ich bin mer sicher dass ich es rächts stuck vorwärtsgrutscht bin. S'lager isch eifach super gsi und ich han so viel neui cooli lüüt und neui asichte känneglernt, ich han neui fründschafte gschlosse und gmerkt wie wichtig dasses isch inere Gruppe z'si mit Lüt wo dich verschtönd, wo die gliche Problem, die gliche Interesse und die gliche Sorge händ we du.
Sit ich zrugg bin han ich s'erscht mal s'gfühl gah; Jetzt bin ich bereit!
Mini Familie hani scho es zitli. Ich weiss, dass ich nach Moustier sur Sambre chume, das isch es chlises Dorf ide nächi vo Namur. Ich weiss au scho i welläm zimmer dass ich wird schlafe, i welli schuel (http://www.seminaire-de-floreffe.be/album.htm) das ich wird gah und was für gschwüschterti und anderi familiemitglieder mich wärdet dur's jahr begleite. Churz gseit, ich bin mit minere Familie sehr z'friede.
D'Churzbeschribig vo minere Familie luted: The whole family likes musik and jokes. (=
Uf jedä Fall gahts ja doch no es zitli bis ich denn würkli abflüge. Bis dethäne speichert doch all mal min Link bi eu ide Läsezeiche, so chönd ihr mis Jahr immer da uf dem Blogg verfolge und sind immer chli ufem neuschte Stand. Ich freue mich immer über Bsuecher und Kommentär, will denn weiss ich, dass ich nöd alles umesuscht schribä.
Je vous souhaite des bons jours et j'éspère que vous encore lirez mes textes.
à bientôt!
ach sophie, wünsch der sooo viel glück und spass dett && hoffe das üs nööd vergissisch! ;)
AntwortenLöschen<3