wo bin ich den da glandet?!
säg jez nöd paradis, das han ich scho wellä säge!
für mich zum fotografiere isches würkli DAS paradis.
jedä morge de näbel über de fälder und denn d'sunne wo chunnt, drischint und alles verzauberet.
de winter chunnt-
hüt isch moins trois degrées gsi.
no knapp 3 wuche und denn fanged d'prüefige a
nachher hämmer ferie und denn hani geburtstag.
ich liebe d'schuel und ich liebe d'lüt da z'belgie,
ich liebe mis neue läbe,
aber ich liebe au, dass ich no es anders han,
woni derf vermisse.
ich liebe s'belgische radio und de radiosprächer wo jedä morge seit: Bonjour sophie.
ich liebe de Papagei wo ununterbroche vor sich hiplapperet, ich liebe d'frites, ich liebe de hund wo uf mine bei lit, während ich ufzgi mache, ich liebe mini familie, wo so viel lacht, ich liebe mini kollege wo mir jedä tag neus bibringed, ich liebe d'sprach und liebe s'hus und de garte. ich liebe's chönne ame mittwuch namittag uf namur z'ga go en kaffi trinke und nach de schuel go lädele. ich liebe's am abig müed is bett z'falle und am morge wieder ufz'schtah.
ich liebe d'sunne uf mim gsicht z'gspüre, ich liebe z'lache, glücklich z'si-
à bientôt et n'oubliez jamais de rire!
Keine Kommentare:
Kommentar veröffentlichen